કલકત્તાનો ફ્રી પ્રેસ જર્નલનો ખબરપત્રી જણાવે છે કે અહીંના મૂડીવાદીઓએ ગાંધીફાળામાં નાણાં ભરતાં અગાઉ ત્રણ શરતો કૉંગ્રેસ આગેવાનોની સમક્ષ મૂકી છે : (1) નિરક્ષરતાનિવારણ અને દવાખાનાં પાછળ તે પૈસાનો ઉપયોગ કરવો; (2) હિંદી સંઘની સરકારે પોતાની આર્થિક નીતિની વધારે ચોખવટ કરવી અને રાષ્ટ્રીયકરણની વાતો હંમેશ માટે પડતી મૂકવી; અને (3) આવતી સામાન્ય ચૂંટણીમાં ઉમેદવારોની પસંદગી અંગે અસરકારક અંકુશ આપવો.

ગુજરાત-અમદાવાદમાં ઉઘરાવાતા ગાંધીફાળાની પણ આવી જ કિંમત ચૂકવવાની છે કે?